གྲོགས་པོ།
ཡིད་མཐུན་གྲོགས་ཀྱི་བརྩེ་བའི་ལག་རྡང་།།
རི་དང་གཙང་བོས་བཙན་གྱི་བཅད་ཀྱང་།།
དུངས་པའི་སེམས་ཀྱི་ཨ་ལོང་དགུ་སྒྲིག།།
ལྕགས་དང་ཐོ་བས་བཅོམ་ཐབས་མི་འདུག །
ཆུང་ཆུང་བྱིས་བློ་དྭངས་མོ་འདྲིས་པའི།།
རི་དང་གཙང་བོའི་འགག་འཕྲང་དག་ནས།།
ཚིག་དང་གོང་བའི་ལག་འཇུ་བཏངས་པ།།
ཡིད་སེམས་ཞིག་ནས་བརྗེད་ཐབས་མི་འདུག །
དྲན་པའི་འཁྱགས་པ་སྙིང་ལ་བརྒྱབ་སོང་།
དུངས་པའི་མིག་མཐར་མཚོ་ཞིག་འཁྱིལ་ཡོད།།
རི་དང་གཙང་བོས་ཁ་ཐག་བཅད་ཀྱང་།།
སྙིང་གི་དུངས་པ་ཡལ་ཐབས་མི་འདུག །
ཡག་པོ་ཞིག་བཟོས་འདུག་མོད། ད་དུང་མང་པོ་ཞིག་བཟོ་བཅོས་བྱ་དགོས་ས་རེད། ཧྲ་ལ་བྱོས་ཨ་གེ།
ReplyDelete